‘Bexda û Hewlêrê li ser yasaya petrol û madeya 140ê li hev kirin’

ser pirsa yasaya petrol, budceya pêşmerge û madeya 140ê hatine kirin.

Fuad Husên ku hevdem endamê şandeya herêmê ya li Bexdayê ye ji AKnewsê re got, “Duhî êvarê serokwezîrê herêmê Berhem Salih digel serokwezîrê Iraqê Nurî Malikî civiya ku tê de gotûbêj li ser çareserkirina arîşeyên hilawistî yên di navbera Hewlêr û Bexdayê de hate kirin.”

Bi gotina Husên biryar li ser 3 pirsên bingehîn hatiye danîn ku ew jî pirsa budceya hêzên pêşmerge, madeya 140ê û yasaya petrolê ye.

Fuad Husên got, “Herdu alî rêkeftin ta 2 mehên dahatî çend civînên hevbeş di navbera wezîrê petrolê yê Iraqê û wezîrê samanên sirûştî yê herêmê de bên pêkanîn û eger pêwîst bû di reşnivîsa projeyasaya petrolê ya 2007ê de çend guherîn bên pêkanîn û eger negihiştin çi encamekê jî reşnivîsa 2007ê wek xwe ji parlamentoyê re bê şandin.”

Li ser budceya pêşmerge jî Husên got, “Komîsyona Budceya Pêşmerge ya ku bi hevbeşiya Hewlêr û Bexdayê hatiye pêkanîn, dê çend pêşniyaran ji hikûmetê re bişîne. Malikî got eger komîsyona taybet di vê pirsê de bigihe encamekê, min çi arîşeyek nîne.”

Hêjayê gotinê ye 24ê vê mehê şandeyeke hikûmeta Kurdistanê bi serokatiya Berhem Salih û bi hevaltiya Fuad Husên, wezîrên pêşmerge, darayî, samanên sirûştî, bi armanca çareserkirina arîşeyên hilawistî yên di navbera Hewlêr û Bexdayê de, serdana Bexdayê kir.

ed (AKnews)