KONSTANTÎN SÎMONOV–«LI BENDA MIN BE» (1915–1979)

LI BENDA MIN BE

Li benda min be û ezê bêm.
Her tenê tu li benda min be.
Bendawar be, gava baran bê
Û wê melûlîya te birevîne.
Bendawar be, gava bager be,
Germistan be gava,
Dema bendawar îdî tunbe,
Ku bîr kirine duhva.
Bendawar be, ji warê dûr-derez,
Ku nameyên neyên îdî,
Bendawar be, gava bibe merez,
Ji bo çavên li rê qerimî.

Li benda min be û ezê bêm,
Nehêvşîne wê dilovanîyê,
Ji bo wan kesan, ku ezberî
Dizanibûn çîye xemxûrî.
Bila law û dê bawer bikin,
Ku ez îdî tune me belkî,
Bêtaqet bibin heval-hogir,
Kund vedin li dora kuçkê agir,
Vexwin şerva tal
Û bîr bînin ruhê şîrin…
Bendewar be. Lê tu lez nekeve
Û tevî wan wê şeravê venexwe.

Li benda min be û ezê bêm,
Lo ji eynata ehelên mirinê.
Kê hîvîya min nîbû, lê ew bila
Beje:–bextê wî çawa anî.
Lê ew nemerdên dexesên min,
Li serva naçin, ku çawa ji agir,
Bi bendewarîya xwe
Te ez parstim.
Ku ez çawa nemirim, tenê ez
Û tu dizanin,–
Ji ber bendewarîya nebînayî,
Ji ber ku tu hîvîya min mayî.

Wergêra ji rûsî ya Prîskê Mihoyî.
03.08.2015

P.S. Nivîsarnasî: eva helbesta Konstantîn Sîmonov dîyarî aktrîsa
naskirî ya bi navê Valêntîna Sêrovê kirye. Dû ra Valêntîna dibe xanima
vî helbestvanê rûsî naskirî yê sedsala 20-î.
Sala 1941-ê Konstantîn
Sîmonov wek rojnamevanê rojnama «Krasnaya zvêzda» (Steyra sor) diçe li
ber şêr. Ewî meha TEBAXÊ ev helbest nivîsye… Tiştekî sîmbolîke, ne?!
Meha tebaxê, meha wêran, meha mêran, meha cangorîyan, meha
heyfhildanê!..