Serokê Hikûmeta Herêma Kurdistanê pêşwaziya şandeke Amerîkî ya bi Serokatiya nûnerê taybetî yê Serokê Amerîkayê yê bo karûbarên Sûriye û hevpeymaniya cîhanî ya dijî DIŞI

الكاتب Naif Rasho on Tuesday, September 22, 2020 · شاركنا الرأي

Îro sêşem 22ê Îlona 2020an me pêşwaziya şandeke Amerîkî ya bi Serokatiya nûnerê taybetî yê Serokê Amerîkayê yê bo karûbarên Sûriye û hevpeymaniya cîhanî ya dijî DIŞIê balyoz James Jeffrey kir.

Di civînê de me derbarê guhertin û pêşhatên Îraq, Sûriye û girîngiya hevkarî kirina hêzên pêşmerge û artêşa Îraqê y abo rûbirû bûna metirsiyên DIŞIê kir.

Balyoz James Jeffrey rol û helwestên Serok Barzanî û hikûmeta herêma Kurdistanê y abo lihev nêz kirina aliyên Rojavayê Kurdistanê bilind nirxand û tekez li ser piştîvaniya Amerîkayê ya bo herêma Kurdistanê kir û got: Herêma Kurdistanê jiber pirrengî û zindî bûna dostayetiya xwe ya li gel Amerîka û welatên Rojavayî, xudan pêgeheke girîng û steratejîkiye li Rojhilata Navîn de.

Hevdem li gel ku me spasiya piştîvaniya Amerîkayê ya herêma Kurdistanê kir, behsa rewşa niha ya Îraq, deverê û têkiliyên navbera herêma Kurdistanê û hikûmeta federalî jî kir.

Di berdewamiya civînê de me behsa diyaloga heyî li gel Bexdayê kir û anî ziman ku prosesa diyalogê y abo gehêştin bi çareseriyeke mayende bo tevahiya kêşeyan li ser esasê destûra bingehîn didome.

Me herwiha tekez li ser girîngiya berdewam bûna hemahengiya ewlekarî ya di navbera hêzên pêşmerge û artêşa Îraqê bi taybetî li deverên Kurdistanî yên derveya îdareya Kurdistanê kir bo rûbirû bûna metirsiyên DIŞIê. Me dilgiraniya xwe jî ya li hember dom kirina prosesa Erebkirinê û destdirêjî û êrîş kirine ser milk û mal û zeviyên şêniyên Kurd yên deverên Kurdistanî yên derveya îdareya Kurdistanê diyar kir.

___