Ҫerkezȇ Reș/Eskere Boyik

Keremkin, bixûnin vȇ helbesta șayȋr. Helbesteke pir delal e.

ANKÊTA

Navê min? K’ême? – K’eremkin-Ҫerkez,-
Sîyarkirî li Reș-min xweș tȇ ew bor!
(Him jî ji rengê xwe narevim ez,
Ҫerm jî ne kince-biguhezȋ bi dor.

Bavê min mîna kal û bavê xwe
Șivane li ҫiya, nav e’wrȇ sar da,
Pispore, zane qedrê nave xwe, –
Due’ayê cola dibarin serda.

Diya min jî mîna pîrika û dê
Kevanîya ҫȇ ye- bi șȋrh’elalȋ,
Wȇ neha cara ҫok daye e’rdȇ,
Ezim nuxurîê wêyî delalî!

K’ȋderȇ bûye? – Li ҫȋya, bin konda,
Hȋv-steyrk jȋ tev Xatûna Ferxa
Wur hazirbûne- nav șewqa ronda,
…Navkam avîtine kozeke berxa!

Kîj sale bûme? -Ew penc sal bû her,
Ku qurna bîstî serhatîya kerê
Duda dihûna. Dilê min xweber
Hat-bû neynika ruhê vê dewrê.

Ҫi miletîme? – li Rohilatê
Bextê kêye, ku ketȋye kevirê reș?
Ax, xi xûna kê xûna kula tê? –
Dêmek ez kurdim, made hena geș.

Xwendin? – Înstîtût xilazkir. Niha
Lême dest bînim xwendina bilind
Li akadêmîya medened r’uha, –
Ketime para yazîya ruhê kurd.

Ҫûme welatê dereke, yan na?
Wêderê hene lêzim û pizmam?
Herke Kurdistan r’abû han-hana,
Ewê jî, belê, bide caba tam.

Pêșek? – Niqitka hevta binhêrin!-
Șayîrim- herke wera dest dide,
(Yazix pîneҫȋ ewqasȋ pirin,
Ku cȋna qerfe pȇșȇ zȋyaretȋ).

Cȋyȇ jȋyana min? – Merkeza E’mir,
Bajarȇ Xema, nehȋya Bendewar,
Soqaqa K’urda (xelq jî dijî wur),
Avayê Yazîya Giran û Dijwar.