Rêpênedana bi Pirtûkan di Pêşengehan de.!Tengezar Marînî
Ev susretek e, dema xwedêgirevî dezgehek xwe xwedanê nivîsîn û nivîskariyê bibîne. Tenê dezgehê bê kesayetî rê didin rûdanên qedexekirinan û ciyawaziya derbirîna bîr û baweriyan.
Ev rêpênedan bingeha bi hêz e ji bo avakirin û piştgiriya sîstemên totalîter û destpêka diyarbûna faşîzmê ye. Îro ji bo yekrêziyê di hêla siyasî de gav hatine avêtin, ji bo ev gav cihê xwe bigirin, pêdivî bi piştgiriya nivîskar û hizirmendan e, ko xalên baş bi hêz bikin û rexne li kêmasiyan bikin.
Nivîskarê kurd Jandost, ew sinor derbas kiriye, ko mixabin li warê wî pirtûkên wî di peşengehan de werin qedexekirin. Nizanim ta kengî ev serhişkî kîn wê bimîne.
Ev hişmendiya rênedana bi hinek nivîskaran an jî kîna hemberî wan an rûreşkirina wan, me ber bi malkambaxiyê ve dibe.
Dixwazim bibêjim ev şêwe serederî û bi taybetî di van kewdanên hestiyar de ziyanmend in.
Leave A Comment