YEK CIYEKÎ TIJE NÎNE, JIYANA GELÊ ME JI SEDÎ 90% VALAHÎ YE/Hunermend Aydin Ronak
Valahiyek mezin di jiyana gelê me de heye, ango mirov dikare bêje ji sedî sed valahî ye. Ev valahî, kêşe, barê ser milê her ferdekî ye. Nemaze barê rewşenbîr û zanayên me ye.
Divê rewşenbîrên me mil bidin hev û rojek berî rojekê van nakokiyan çareser bikin. Pêwîst e, zanayên me hemfikir û xwedî helwest bin, bi zanîn, ferasetek ronîdar û germ tevbigerin daku ew bikarîbin van valahiyan tije bikin û em jî bibin mîna gelên dinyayê.
Valahî di jiyana gelên pêşketî nînin, wan valhiyên xwe tije kirine û wisa jî xwedî aboriyek mezin a gewre ne. Civaka wan têr û tije ye û niha jî difikirin ka çî din li ser hebûnan zêde bikin…
Roj bi roj hebûnê liser hebûnan zêde dikin û pêde pêde jiyanek serbilind, têr-tijî dijîn. Çavê wan ne li destê kesî ye, ku hin din jibo wan bikin.
Em ji bêtifaqî û nakokiyên nava xwe bêserber in, kevir ser kevir nemaye. Ya herî xirab jî ku em dost û dijminê xwe ji hev û din nasnakin. Bira xêra bira naxwaze, em bûne lêpokê dinyayê, dinya bi me dikene…
Gelo wê ev bêtifaqî û nîfaqiya me heta bi kûderê here, nizam!
Zanayên me têra yekrêzî û tifaqekê hene.
Herweha, dermanê van kêşe û nakokiyan, dilek germ yekîtî û tifaq e. Mixabin em wêjî pêknaynin. Bi rastî jî ciyê mixabiniyê ye!
Gelek mixabin…
26. 6. 2020
Hunermend Aydin Ronak
Leave A Comment