DAYKA MIN/Eskere Boyik
Ev sûret sala 1949 a hatȋye kișandin.
Li rex Dayka xwe: Gulîzera Ûsiv begê ezim, li ser pȇșa dayka min lawȇ apȇ min Yûra ye, kȇlekȇ lawȇ apȇ min ê din Mûsa.ye Lawkȇ sekinȋ birayȇ min e Casim.
***
Cabek hatȋye ez dûrim,
Ne rê heye, ne guman,
Ji wê caba dil bi êş,
Bûme warekî wêran.
Teyax nekir dilê dê,
Dayka min ax, helȋya çû,
Bû keserek bê hêsir,
Şemaleke şewq bê dû.
Li nav şeva mine reş
Bû hinek şewq-ronayî,
Bû stȇrkek nûre geş
Vê xerîbȋya bêxweyî.
Dayka min çû bû zȋyaret,
Bû Lalişek Nûranî,
Bû sond, due’a û berat
Çengek axa batinî.
Bû Kanîya Sipî û Zimzim,
Min ra bû Hec û îman,
Bû hebandin, ol û dîn,
Navek ji navê Êzdan.
Cabek hatȋye ez dûrim,
Ne çar heye, ne guman,
Ji wê caba dil bi êş,
Bûme warekî wêran.
2001
Leave A Comment