چەند راو سەرنجێک لەسەر کوبوونەوەى ئەمڕوى پەرلەمانى کوردستان/د. صباح زيباري

کوبوونەوەى ئەمڕوى پەرلەمانى کوردستان دەرهاویشتەى ئەو سینگ فراونەى پارتیە کە ئەم کەشە دیموکراسى یە لە کوردستان دا پەیڕەو دەکرێت پارتی خاوەنیەتى وخۆینى رشتووە بۆ ئەوەى ئەم میللەتە چیتر نەچەوسێتەوە بۆ ئەوەى جارێکى ترمافی نەخورێت وسەلماندومانە لە سالى 2004 تا شەرى داعش کوردستان بە چ ئاقارێک گەشەى کرد لە هەموو روێکەوە.
پارتی هەموو کاتێک بۆ ئەوەى دووبەرەکى و شەرى ناوخۆ وکەس پەڕاوێز نەکرێت لە کەمتر لە مافی خوى بەشدارى حکومەت بووە چەندین جار دەیتوانى حکومەت بە تەنیا پێکبینیت بەلام لە بەر بەرژەوەندى بالاکانى کوردستان حکومەتى بنکەفراوانى دامەزراندووە، بەداخەوە ئەمڕۆ شەریکەکانى ناو حکومەت وپەرلەمان و سەرۆکایەتى هەریم لە مەلیک زیاتر مەلیکتربوون( ملكي اكثر من ملك) وبانێک دوو هەوا بوون.
ئەمەى ئەمڕۆ رویدا نە زمانى لیکتێگەیشتن بووە نە سیاسەت بووە، شانوگەریەکى ئامادەکراوبو بۆ راکێشانى هەست وسوزى هاولاتیان، ومن دەلێم خەلک زۆر لەم شتانە بە ئاگاترە.
پارتی وهاوپەیمانەکانیان هیچ شتێکى شاراوەیان نیە بە راستگویانە باس لە هەموو شتەکان کردووە وئەو قەیرانى ئێستا بەرۆکى هەموو جیهانى گرتوە بە کوردستانەوە بە تەبلە لێدان وسناپچات چارەسەر نابێت، فەرموو ئەم عیراقە توشى قەیرانى دارایى بووە کە رۆژانە 4 ملیون برمیل نەوت دەفرۆشیت، لە ئیران نان دەستناکەوێت دەوربەرمان هەموو پارچەیەکە لە ئاگر.
ئەمەى لەم هەرێمەیە دەبینرێت بە خوینى شەهیدانى پارتى و هاوپەیمانەکان کەرامەتى تو پاراستووە,پارتى ئەو هەموو شتانە قبول دەکات بۆ ئەوەى کوردستان بەرەو ئاقاریکى نادیار نەچێت.
هەروەها فراکسیونى پارتى داوای کردووە کە شاندى دانوستانکار لە گەل حکومەتى عیراقى بێنە پەرلەمانى کوردستان ورونکردنەوە بدەن لەسەر بابەتەکان، بەلام پەرلەمانتارانی ئوپوزسیون لەبەر سناپچات وتەبلە لێدان حوکمى پێشوەختەیان دابوو کە ئاراستەى کوبوونەوەکە وا لێ بکەن ,و زمانى لیکتێگەیشتن بەکار نەهێنا.
د. صباح زيباري
ئە ندامی پە ر لە مانی کوردستان
۳٠ـ۱۱ـ۲٠۲٠