خێزانا به‌خته‌وه‌ر دینه‌مویا ژیانێ یه/‌ دلڤین شه‌مال

ئاڤا كرن و دروستكرنا خێزانێ ژلایێ ره‌گه‌زێ كچ و كوران ڤه‌ سونه‌تا ژیانێ یه‌ ، ده‌ما كچ یان كۆر دگه‌هن ژیه‌كێ دیاركری كۆ پێدڤیه‌ هه‌ردوو ژیانا هه‌ڤژینیێ پێك بینن بۆ وێ چه‌ندێ خێزانه‌كێ پێكڤه‌ ئاڤا بكه‌ن ژبه‌ركۆ خێزان تایبه‌ت ئه‌گه‌ر یا به‌خته‌وه‌ر بیت دینه‌مویا ژیانێ یه‌ ، د هه‌مانده‌دا ئه‌ركێ پاراستنا خێزانێ لسه‌ر هه‌موو ئه‌ندامایه‌ بێ جوداهی كۆ بهێته‌ پاراستن ، به‌رده‌وام گوهرین دكه‌ڤن ناڤا ژیانێ به‌لێ چۆ جارا ڤیان و ئارامیا خێزانێ ناهێت گوهرین و هه‌ر وه‌ك خۆ گرنگ و نه‌گۆر دمینیت ، خێزان ده‌ما به‌خته‌وه‌ر دبیت ئه‌ركێ هه‌میانه‌ ، به‌لێ ده‌ما توندوتیژی دروست دبیت ژلایێ ئه‌ندامه‌كێ خێزانیڤه‌ پێدڤیه‌ هه‌موو خێزان پێكڤه‌ ببن چه‌په‌ر بۆ پاراستن و نه‌هێلانا وێ توندوتیژیێ ، ژبه‌ر تێكگه‌هشتنا هه‌ردوو ره‌گه‌زا به‌رده‌وام توندوتیژی كێم دبیت و به‌ره‌ڤ نه‌مانێ دچیت به‌لێ هێشتا مایه‌ كۆ ب دروستی خێزان ئارام و به‌خته‌وه‌ر بیت ب ته‌مامی دوور ل هه‌ر بنه‌مایه‌كێ توندوتیژیێ ، یا گرنگ ئه‌وه‌ كۆ هه‌موو ئه‌ندامێن خێزانێ ئێك سه‌نگه‌ر دا بن بۆ پاراستنا خێزانێ تایبه‌ت نه‌مانا توندوتیژیێ بۆ وێ چه‌ندێ خێزان به‌رده‌وام د به‌رفره‌هبوونێ و ئارامیێ دابیت.