517 گۆر بۆ ڤەشارتنا قوربانیێن كارەساتا گوندێ كۆچۆ ل شنگال هاتینە دروستكرن له‌زگین
ئێك ژ قوربانیێن جینوسایدا شنگال ل گوندێ كۆچۆ دیاركركو گورەستانەكا تایبەت بۆ ڤەشارتنا روفاتێن قوربانیێن جینوسایدا شنگال ل گوندێ كۆچۆ هاتیە دروستكرن وچاڤەرێنە ل رۆژا 31/11/202ێ رێ ورەسمەكێ مەزن دا دەست ب ڤەشارتنا روفاتێن كارەساتا گوندێ كۆچۆ بهێتە كرن.
كچی عمی، ئێكە ژ قوربانیێن كارەساتا گوندێ كۆچۆ ل قەزا شنگال بۆ (باسنیوز) دیار كر كو: “گورەستانەكا مەزن ل گوندێ كۆچۆ بۆ ڤەشارتنا قوربانیێن جینوسایدا شنگال هاتیە چێكرن كو 517 گۆر یێن هاتینە بەرهەڤكرن بۆ ڤەشارتنا هەموو قوربانیێن خەلكێ گوندێ كۆچۆ. هەتا نۆكە بتنێ ناسنامەیێن 104 روفاتێن قوربانیێن كارەساتا گوندێ كۆچۆ ئاشكرابووینە. هەموو بەرهەڤی یێن هاتینە كرن بۆ ڤەشارتنا وان. ئەم چاڤەرێنە ل رۆژا 31/11/2020ێ رێ ورەسمەكێ مەزن دا دەست ب ڤەشارتنا هەموو قوربانیێن كارەساتا گوندێ كۆچۆ بكەین”.
ئاشكەرا كر كو: “دەمێ گۆرێن ب كۆم ل گوندێ كۆچۆ هاتینە ڤەكرن هەموو روفاتێن ناڤدا هاتینە دەرئێخستن بۆ نۆژداریا داد ل بەغدا یێن هاتینە رەوانەكرن ب مەرەما ئەنجامدانا ڤەكۆلینێ ل سەر روفاتان وئاشكراكرنا ناسنامەیێن قوربانیان و دێ پشكنینا DNA ل سەر هێتە كرن”.
ل شنگال 80 گۆرێن ب كۆم هەتا نۆكە یێن هاتینە دیتن. 20گۆرێن ب كۆم یێن هاتینە ڤەكرن هەتا 359 روفات یێن ژ ناڤ گۆرێن بكۆم هاتینە دەرئێخستن. هەموو بۆ نوژداریا داد ل بەغدا یێن هاتینە رەوانەكرن.
Leave A Comment