پارێزگه‌رێ دهۆكێ سه‌را لقێ (9) یێ پارتى ل ئاكرێ دا وته‌كه‌زى ل سه‌ر هه‌ڤكاریێ كر بو خزمه‌تكرنا خه‌لكێ ده‌ڤه‌رێ

دچارچوڤێ سه‌ره‌دانا پارێزگه‌رێ دهۆكێ بو سنورێ ده‌ڤه‌رداریا ئاكرێ ئه‌ڤرۆ نیڤرۆ 25-11-2020 به‌رێز د.على ته‌ته‌ر پارێزگه‌رێ دهۆكێ وشاندێ پێرا سه‌را لقێ (9) یێ پارتى دیموكراتى كوردستان ل باژێرێ ئاكرێ دا ژلایێ به‌رێز صباح بیت الله به‌رپرسێ لقێ وكارگێر وئه‌ندامێن لقێ پێشوازى لێ هاته‌ كرن.
دهه‌ڤدیتنه‌كێدا به‌حسێ ره‌وشا خه‌لكێ ده‌ڤه‌رداریا ئاكرێ وپێدڤیێن هاولاتیان ب پرۆژێن خزمه‌تگوزارى وخورتكرنا ئاستێ هه‌ڤكاریێ دناڤبه‌را سازیێن میرى وحزبى بو وێ یه‌كێ باشتر خزمه‌تا خه‌لكێ ده‌ڤه‌رێ ب گه‌هاندنا پرۆژێن خزمه‌تگوزارى بهێته‌ كرن ب گشتى هاته‌ كرن.
پارێزگه‌رێ دهۆكێ دیاركر كو خه‌لكێ ئاكرێ پێشره‌وێن خه‌بات وتێكوشینا بزاڤا رزگاریخوازا كوردستانێ نه‌ وهه‌ژى هندێ نه‌ پتر خزمه‌تا وان بهێته‌ كرن وئه‌م وه‌كو حكومه‌تا هه‌رێمێ وپارێزگه‌ها دهۆكێ دێ هه‌ولده‌ین پتر پرۆژێن خزمه‌تگوزارى دابینكه‌ین وژین وژیارا هاولاتیان خوشكه‌ین.