كوردستان پشتی كۆرۆنا چ بكه‌ت دلڤین شه‌مال

دیاره‌ ساڵا 2020 ێ ساڵا ساخله‌میێ و خوپارێزیێ بوو تایبه‌ت ژ ڤایرۆسێ كۆرۆنا هه‌لبه‌ت جیهان هه‌موو تووشی ڤایرۆسه‌كێ نه‌دیاربوون زیانێن مه‌زن ب سێكته‌رو كه‌رتێن جودا گه‌هاندن هه‌تا كۆ مه‌زنترین زیان به‌ر ب مرۆڤا كه‌فت ل هه‌موو جیهانێ ب گشتی ، پێدڤیه‌ پشتی نه‌مانا كۆرۆنا مینا هه‌موو سێتكه‌ره‌كێ دی ل كوردستانێ گرنگیه‌كا مه‌زنتر ب كه‌رتێ ساخله‌میێ بهێته‌ دان بۆ هه‌ر ئه‌گه‌ره‌كا نه‌چاڤه‌رێ كری ل كوردستانێ ، د حاله‌ته‌ك دیدا كوردستان تووشی زیانێن مه‌زنێن ئابووری بوو ژبه‌ر نه‌بۆنا رێ و بانا به‌لێ ئه‌گه‌ر بۆ هه‌ر روودان و بابه‌ته‌كێ وه‌ك كۆرۆنا بهێته‌ پێش پێدڤیه‌ پتر به‌رهه‌ڤی بهێن كرن بۆ وێ چه‌ندێ زیانێن مه‌زن ب ئابووری و خه‌لكێ كوردستانێ نه‌كه‌ڤن ،بۆ نمونه‌ گرنیگدان ب ئاڤاكرنا نه‌خوشخانێن مودێرن د هه‌مانده‌مدا ده‌مه‌ك بوو تیمێن نوژدارێن بیانی دهاتن ل كوردستانێ چاره‌سه‌ریا نه‌خوشان دكر ئه‌گه‌ر جهێ چاره‌سه‌ریێ ده‌مه‌ك ژی بۆ راهێنانا نوژدارێن كوردستانێ دانابا دا مفایێ وێ زێده‌تر بیت ، د هه‌مانده‌مدا گرنگی ب كه‌رتێ چاندنێ و گه‌شت و گوزارێ بهێت دان بۆ وێ چه‌ندێ ئه‌ڤ زیانێن ژبه‌ر كۆرۆنا گه‌هشتین ئابووریا كوردستانێ زوو بهێن تژی كرن كوردستان سه‌ره‌رای هه‌موو ئاسته‌نگ و نه‌خوشیا به‌رده‌وامه‌ ل پێشكه‌فتێ به‌لێ بۆ وێ چه‌ندێ ئه‌ركێ وێ سڤكتر بیت و تووشی قه‌یرانه‌كا دی نه‌بیت گرنگیه‌كا زۆر ب كه‌رتێ چاندنێ و گه‌شت و گوزارێ بده‌ت كارگه‌هێن هه‌مه‌ جۆر دا مه‌زرینیت لسه‌ر ئاستێ كوردستانێ وی ده‌می رێژا بێكاریێ ژی چاره‌ بیت و ئابورژی ساخ بیته‌ڤه‌ تایبه‌ت ئه‌ڤ پێنگاڤه‌ گرنگن بۆ پشتی كۆرۆنا.