رێكخراوا (UNITAD) ڤه‌كولینێن به‌رده‌وام ل سه‌ر تاوانێن داعش دكه‌ت
ئه‌ڤرۆ سپێدێ 24-11-2020 به‌رێز د.على ته‌ته‌ر پارێزگه‌رێ دهۆكێ پێشوازیا (مستر جێرى) به‌رپرسێ رێكخراوا (UNITAD)ل عیراقێ وشاندێ دگه‌لدا كر.
دهه‌ڤدیتنه‌كێدا به‌حسێ ره‌وشا ئاواره یێن شنگالێ وبه‌رنامێن رێكخراوا ناڤبرى وڤه‌كولینێن وان یێن به‌رده‌وام ل سه‌رتاوانێن رێكخراوا تیرورستیا داعش ل دژى سڤیلێن شنگالێ ئه‌نجامداین هاته كرن.
به‌رپرسێ رێكخراوا (UNITAD) راپورته‌ك ل دور كار وچالاكیێن رێكخراوێ پێشكێشكر وگوت: ئه‌م دوڤ چونا تاوانێن داعش وڤه‌كرنا گورێن ب كومه‌ل ل شنگالێ وجهێن دن هه‌روه‌سا دوڤ چونا زاروك وژنێنێن ئێزدیان هه‌روه‌سا تاوانێن ل دژى كاكه‌یى ومه‌سیحى وپێكهاته‌یێن دن دكه‌ین وسوپاسیا حكومه‌تا هه‌ریمێ وپارێزگه‌ها دهۆكێ كر ل دور به‌رقراكرنا ئێمناهیێ بو كارێ تیمێن رێكخراوا (UNITAD) وخواست ئاستێ هه‌ڤكارى وهاریكاریێ پتر لێ بهێت دا تیمێن رێكخراوێ باشتر ئه‌ركێ خو ئه‌نجامده‌ن.
پارێزگه‌رێ دهۆكێ گوت ئه‌م كارێ رێكخراوا (UNITAD) ب گرنگى دهه‌لسه‌نگینین ودیاركر كو گه‌له‌ك تاوان وجینوساید ل دژى گه‌لێ كورد هاتینه ئه‌نجامدان وكو ئه‌نفالێن ره‌ش وكێمیابارانكرنا حه‌لبچه وبه‌رزه‌كرنا هه‌شت هزار بارزانیا هه‌روه‌سا جینوسایدكرنا كوردێن ئێزدى وڤان تاوانا كارتێكرنا خو یا سایكولوجى ودیموگراڤى ل سه‌ر خه‌لكێ هه‌رێمێ هه‌بویه .
هه‌روه‌سا گوت: جهێ داخێ یه ئه‌ڤ هه‌موو تاوانه وه‌كو پێدڤى نه‌هاتینه دیكیومه‌نتكرن ودڤێت تاوانبار ژى بهێنه دادگه‌هكرن وبگه‌هنه سزایێ خو بو وێ یه‌كێ ل پاشه‌روژێ چ لایه‌ن وگروپێن تیرورستى وێره‌كیێ نه‌ده‌نه خو تاوان وجینوسیادا ل دژى خه‌لكێ سڤیل ئه‌نجامده‌ن وپشته‌ڤانیا پارێزگه‌هێ نیشان دا بو به‌رنامێن رێكخراوا (UNITAD).
Leave A Comment