چەندە .. ئەحزابی سیاسی کوردستانی هەولی بونیادنانی تاکیان داوە ؟ نوسین:شوکر محمد هەرکی

دورست بونی کیاناتی سیاسی کوردستانی زۆربەیان لەئەنجامی دژیەکی یەکتر دورست بون واتا “لق و پۆپ بونە دواتر بوینەتە دار” ، هەندێک نەبێ لەئەنجامی زولم تەعدای سیاسی و کۆمەلایەتی هەلومەرج هاتونەگۆرەپان ، ئەمەراستیەکە ، هەموان دەرکی پێ دەکەین ، جا ئەوەی شیاوی ئاماژە بۆکردنە لەم بابەتەدا کە دەمانەوێ شرۆڤەی بکەین ئەویش ، چەندەتوانیانە بونیادی تاکێکی بەهێزو پرلەمفا بهێنە ناو کۆمەلگای کوردستانی ، ئەگەر پرسیار دورست بێ بۆ پەنجە ئاراستەکردنی حزب ؟ ئایا ئەمان داتوانن پێشکەوتن و بەلارێدابردن بهێنە کایەوە ؟ وەلامەکە نیوەمان دەست کەوت لەپرسیارەکەدا ، بۆیە دیدگای ئێمە هەمیشە نیشتمانی و بونیادبونە دورلە موزایدەو رەشبینی و خۆسەپاندن ، واتا دورین لەهەرئەجیندایەک تەنهاو تەنها ، نەتەوەونیشتمان نەبێ، ئەوە لای ئێمە پیرۆزن ، ،کەوابو دەست بردن بۆکەم کوری دلسۆزی و راستگۆیە ،واتا لەئەوانەبین کە بۆت بگرێین ، نەپێت بکەنین ؛ جا ئەگەر دەست بخینە سەربرینەکان و هۆکارەیەتی سەرهەلدانیان دەگەینە دەرنجامێک ، پاشان خالە لاوازو بەهێزەکان و دەرچەیەک دێتە پێشمان؟خوێنەر ئازادە کامی هەلدەبژێریت ، گرنگ خوردکردنەوەی کەم و کوری واقعیەتە ، پاشان ئێمە لەکوێی کۆمەلگا پێشکەوتوەکانین ؟ ، گومانی تیادانیە کەم تازۆر ئەحزابی سیاسی کوردستانی بەتێکرای وای دەبینین ، نەهەولی ئەم بونیادەی داوە و نەخەمی بوە ، چونکە واقع پێمان ئەلێ ئاستی هزریەت و بیرمان و داهێنان و ژێرخانی ئابوری و کۆملایەتی و ، سیاسیمان راستی و شاهیدی واقعن ، جا ئەحزاب بەراست و چەپ نەیان توانیوە ئانژی ویستیان نەبوە ، دەرخواردێکی رۆشنبیری هزری ، معرفی ، بهێنە کایەوە کە دواجار ببێتەکلتورێک لەناوحکومەت و کۆمەلگادا رەنگبداتەوە و سەرمان نابێتە پێشکەوتن و خۆش گوزەرانی و یەکتر قبول کردن و مەدنیەت و پیشەیانەی ژیان گوزەراندن ، وەکو کۆمەلگا پێشکەوتوەکان ، چون ماف و ژیان و داهێنان بەردەوامە لەپێناو گشتی و جیهانی مرۆڤایەتی ، لێ ئەم جۆرە کراسە لەکوردستان بەدی ناکەین! سەیرکەن هەمومان رابردوی خۆمان مێژو هەلومەرجەکان دەزانین ، کە بلێن بێ کیانی هۆکاریەتی ، یاخوت داگیر کاری و لەئەنجامی زولم و نەبونی ئازادی کەئێمە نەوەی ئەم کۆمەلگایانەین ، کەهی خۆمان نیەو دەرخواردیان داوین بەزۆربێ و بەناچاری بێ ، ئەوەیان ڕەنگبێ تائاستێک لەگەلی بسازێین ، بەلام هەموناکات حوجەو دلیل ، چونکە چەندسالێکە لەشێوەی ئیدارەدان خۆمان حکومی خۆمان دەکەین ، دەمانتوانی فەهەرنگێکی جوانی یەکتر قبول کردن و ئازادی و کلتورێکی پرلە جوانی فەرهەم بکەین ، بۆئێستاو داهاتو ، چونکە بەپێی هەمو لێک دانەوەکانی زانستی هەرماوەیەکی کەم دەتوانی راهاتن لەسەر هەربابەتێک و فەهەنگێک بکیت دواجار کۆمەلگا پێوەی پابەند ئەبێ و کە بخرێتە چوارچێوەی یاساو عورفی کۆمەلگا ، لێ پێچەوانە دەبینین ، زیاتر پۆپۆلیستی ، نەفەسێکی تەسکی حزبی و ناوچەگەری پێوە دەبینم ، وەک پەتایەک تاکو لەناو لەشی هەمومان دەچێتە دەرەوە زۆری دەوێ ، بەئامانجی زیاتر کۆکردنەوەی دەنگ و رەعیەت ، واتا گوێرایەکی بێ دەست و پێ بیت و بەس ، ئەمەش راستە بۆ کات و هەلومەرجێک بەلام ناکرێت ببێتە دەرخوارد !! بۆیە رێگە چارە ئەوەی گرنگە کاتی هاتوە نەوەکانمان هەرلە سستەمی حکومرانی و حزبیوە تاکو پەروەردە ، با فەرهنگی خۆشەویستی و لێهاتوی و خۆراگری و زانست پەروەری بکەین ، بتوانین تاکێکی سودمەندو خاوەن داهێنان بیت ، بتوانی هەریەکەمان سەرکردەبیت ، ، ئازادی و عەدالەت و مرۆڤایەتی و رۆشنفکری و گیانی برایەتی و پیشیانەو ، هەولی دیموکراسیانەبدەین ، “لەتاکێکی ساخەلم و پێگەشتوو ، خێزانێکی ساخەلەم بەدی ئەکرێت ، لەخێزانێکی پتەو کۆمەلگایەکی پێشکەوتو خۆراگرو خاوەن قیەم بهای لێ دەهێتە کایەوەو دواجار خۆش گوزەرانی و ئامنی و پێکەوەژیان دێتە کایەوە، پاشان وەک مومێک روناکی دەبەخشن بەکۆمالگاکانی دراوسێیەکانی خۆی ، پیمان وایە دەبێ دەست پێبکەین ، نەک گەراندنەوە بۆ خالی یەکەم ، دەست بردن بۆ هەندێ دیاردەی سقەتی کۆنمان و گرتنەبەری سیاساتێکی پۆپولیزمی و شمولی ، ئومێدمان وایە جوانی لەناو هەمو کیاناتی سیاسی هەیە و قوربانیان داوە لێ دەبێ پێکەوە هەمو جوانیەکان کۆبکینەو ، پێکەوە بونیادی کۆمەلگایەکی مەدەنی و هاوچەرخ دورست بکەین .

/ باسرمە دووشەمە 23ـــ11ــــ2020