جڤاتا یه‌سنا :عادل حسن

دبینم بڤه‌كرنا ڤێ رێكخراویێ گه‌له‌ك بوچونێن هه‌ڤدژ هاتینه‌ گه‌نگه‌شه‌كرن ، ژبه‌ر هندێ من دڤێت بكورتى ئه‌زژى به‌شدار بم لڤێ دانوستاندنێدا ، بڤان خالێن خوارێ :
1/ من زه‌رده‌شت تا راده‌كێ باش خاندییه‌ ، گه‌هشتیمه‌ وى ئه‌نجامى كو زه‌رده‌شت فه‌یله‌سوفێ سه‌رده‌مێ خو بویه‌ و بنه‌ماێن تایبه‌ت هه‌بویه‌ بو ژیانا روژانه‌ . ئه‌ز زور هه‌و لێ دكه‌م و به‌شه‌كێ هزرا وى یا فه‌لسه‌فى من باوه‌رى پێ هه‌یه‌ ( هزرا باش ، گوتنا باش ، كریارا باش ) .
2/ من زه‌رده‌شت نه‌نیاسیه‌ كو پێغمبه‌ره‌ بگور نێرینا ئاینین ئه‌سمانى ، به‌لكو هزرمه‌نده‌كێ مه‌زنه‌ ژبو مروڤایه‌تیێ .
3/ ڤه‌بونا ڤێ ریكخراویێ كاره‌ك سروشتیه‌ و پێتڤییه‌ و چ كارتێكرنا خراب لسه‌ر ئاینێن ئه‌سمانى نینه‌ .
4/ دهوك پێتڤى ڤێ ریكخراویێیه‌ و هه‌بونا هزرێن جواد ولاتى به‌ره‌ڤ گه‌شێ دبه‌ت، چونكى جوگرافیا كه‌ڤنا دهوكێ دیار دكه‌ت كو باژێره‌كێ زه‌رده‌شتییا بوو و نه‌خاسمه‌ لسه‌ر ده‌مێ میدیا دا .
5/ به‌شداربونا هنده‌ك كه‌ساتیێن جڤاكى لڤه‌كرناوێ رێكخراوێدا وێ ناگه‌هینیت كو ئه‌و كه‌س باوه‌رى یان نه‌باوه‌رى بوێ رێكخراوا مه‌ده‌نیدا هه‌یه‌.
6/ برینا شه‌ریتێ ژلایێ به‌ریز ( سربه‌ست دیوالى دوسكى ) ، من دڤیت خالا بێژم :
ا/ بو زانین ئه‌ز نه‌ دوسكیمه‌ ، تاكو هنده‌ك چ هزرێن دویتر نه‌كه‌ن .
ب/ ئه‌ز گه‌له‌ك دچمه‌ پێشانگه‌هین په‌رتوكان ، باوه‌ر بكه‌ن هندى ئه‌ز چویمه‌ من دیتیه‌ به‌رێز سه‌ربه‌ست دێوالى وه‌ك هه‌ر هاولاتیه‌ك ساده‌ تژى بن كه‌فشین وى په‌رتوكن و بارا پتر جاران من خودێ لێ خوش بیت ( بابێ عه‌لى ) دگه‌ل دیتیه‌
/ لنه‌هشیا مه‌دا هه‌رده‌م ئه‌م هاتینه‌ په‌روه‌رده‌كرن كو گه‌ر كه‌سه‌كێ به‌رگیز یان خاك یان پێگه‌هه‌كێ جڤاكى هه‌بیت واته‌ ئه‌و كه‌س دویره‌ ژ خاندنا په‌رتوكان و دویره‌ ژ هشه‌كا ره‌وشه‌نبیرى و چڤاكه‌ك مه‌ده‌نى ، لێ دوو تاكو سێجارن ئه‌ز لخزمه‌تا ڤى جامیری رونشتیمه‌ ، من دیتیه‌ ده‌مێ دئاخڤیت هه‌رده‌م خو گریده‌ت بژێده‌ره‌كێ زانستى و دبیژیت فلان په‌رتوك هوسا گوتیه‌ .زور پشتگیر و پشته‌ڤانێ چڤاكا مه‌ده‌نیه‌ .
ح/ چه‌نجارا هه‌ڤالێن سینه‌ماكار لده‌مێ فلم چێكرنێدا پێتڤى جهینه‌ و هاریكارێن لوجستى ، شاهدم كو به‌رێز سه‌ربه‌ست گه‌له‌ك هاریكارى كریه‌ . من پیزانین هه‌نه‌ كو گه‌له‌ك هاریكاریا هونه‌رمه‌ندان و نڤێسكاران و ره‌وشه‌نبیرا كریه‌ .
خ/ من نه‌ڤێت لپیشویڤه‌ بێژم ئه‌گه‌ر چییه‌ ئه‌و به‌شدار بوى ، لێ بگور نیاسینا من بو وى به‌رێزى ئه‌ڤه‌یه‌ كو به‌شداربونا وى بو چه‌ند ئه‌گه‌ره‌كا دزڤریت :
1/ چونكى دهوك باژێره‌كێ سه‌ره‌كی بوو دگه‌ڤنداو نه‌خاسمه‌ لسه‌رده‌مێ میدیادا ، بوو گه‌ڤناریا دهوكێ به‌شدار بویه‌ .