سەرۆك بارزانی پێشوازی لە پارێزگاری نەینەوا كرد
ئه‌مڕۆ شەممە 13/ 10/ 2018 لە سەلاحەدین، سەرۆك بارزانی پێشوازی لە نۆفل حه‌مادی سوڵتان، پارێزگاری نەینەوا، كرد. به‌پێی ڕاگه‌یاندراوێك، ئه‌مڕۆ له سه‌لاحه‌دین، سه‌رۆك بارزانى، پێشوازی له نۆفل حه‌مادى، كرد و له‌و لیداره‌دا، بارودۆخى سیاسی، تاوتوێ كرا. وه‌ك ئاماژه‌ى پێدراوه، لە دیدارەكەدا بارودۆخی سیاسی عێراق و ناوچەكە و دوایین گۆڕانكارییەكانی ناو پڕۆسەی سیاسیی عێراق تاوتوو كرا. هەروەها بیروڕا لەبارەی بارودۆخی پارێزگای نەینەوا و گەڕانەوەی ئاوارەكان و ڕەوشی خزمەتگوزاری و ئاوەدانكردنەوەی شاری موسڵ، ئاڵوگۆڕ كرا.
حكوومه‌تی ھەرێم: هاوكار ده‌بین بۆ گه‌ڕاندنه‌وه‌ى ته‌رمى قوربانییانى ئیجه
K24 – ھەولێر گوتەبێژی حكوومەتی ھەرێمی كوردستان رایدەگەیەنێت، ھاوكار دەبن بۆ ھێنانەوەی تەرمی ئەو ھاووڵاتییانەی لە چەند رۆژی رابردوودا لە دەریای ئیجەدا خنكان. سەفین دزەیی، گوتەبێژی حكوومەتی ھەرێمی كوردستان بە ماڵپه‌ڕى فەرمی حكوومه‌تی راگەیاند: “حكوومه‌تى هه‌رێمى كوردستان هه‌ر له ساتى یه‌كه‌مى رووداوه‌كه‌وه به وردى به‌دواداچوونى بۆ كردووه”. راشیگەیاند: “حكوومه‌تى هه‌رێمى كوردستان به‌رده‌وام له‌گه‌ڵ لایه‌نه به‌رپرسه‌كان له توركیا له په‌یوه‌ندیدایه و هه‌موو هه‌وڵێك ده‌دات و هاوكار ده‌بێت بۆ گه‌ڕاندنه‌وه‌ى ته‌رمى قوربانییان بۆ هه‌رێمى كوردستان”. گوتەبێژی حكوومەتی ھەرێمی كوردستان، وێڕاى پرسه و سه‌ره‌خۆشى، نیگه‌رانى، هاوسۆزى و هاوخه‌میى حكوومه‌تى هه‌رێمى كوردستانى له‌گه‌ڵ خانه‌واده و كه‌سوكارى قوربانییان ده‌ربڕى.
گۆڕان باسی وەرگرتنی پۆستی جێگری سەرۆکی حکوومەتی هەرێمی کوردستان دەکات سەرکردەیەکی گۆڕان: دەبێ بە بەرنامە ئەو پۆستە بەڕێوە ببەین
چەند سەرکردەیەکی گۆڕان باس لە پێکهێنانی حکوومەتی نوێی هەرێمی کوردستان و ڕێککەوتن لەگەڵ لایەنە سیاسییەکانی کوردستان دەکەن و ئاماژە بە ئەگەری وەرگرتنی پۆستی جێگری سەرۆک وەزیران دەکەن. نزار جەمال، ئەندامی جڤاتی نیشتمانیی بزووتنەوەی گۆڕان، بە (باسنیوز)ی ڕاگەیاند: “بزووتنەوەی گوڕان، ساختەکاری لە دەنگەکانی کراوە و جارێ دوای سکاڵاکان ئەنجامی فەرمی ھەڵبژادنەکە بڵاو نەکراوەتەوە، بەڵام ئەگەر ئەنجامەکە بەفەرمی بڵاو بکرێتەوە، ئێمە قسەی خۆمان لەسەر دەرەنجامی ئەم ھەڵبژاردنە دەبێت“. روونیشی کردەوە کە ئەگەر دەرنجامەکانی هەڵبژاردن قەبوڵ بکەن، ئەوکاتە جڤاتی نیشتمانیی گۆڕان کۆدەبێتەوە و بڕیاری ئەوە دەدات کە بەشداری لە حکوومەتدا بکات یان نا. نزار جەمال، ئەندامی جڤاتی نیشتمانیی بزووتنەوەی گۆڕان، جەختی لەوەش کردەوە، ئەگەر لەھەر حاڵەتێکدا گۆڕان بەشداری لە حکوومەتی نوێدا بکات، ”یان پۆستی جێگری سەرۆک وەزیران و…
گۆڕان: ساختەکارییەکانی یەکێتی نەبووایە یەکەمین هێزی سلێمانی دەبووین ”کورسییەکانی یەکێتی بە تەزویر زیادیان کردووە“
سەرکردەیەکی بزووتنەوەی گۆڕان باسی ساختەکارییەکانی یەکێتی دەکات و ڕایدەگەیەنێت، یەکێتی ساخەتکاری لە دەنگەکانی گۆڕان کردووە و ئەگەر ساخەتەکاری نەکردایە، ئەوان لە سلێمانی یەکەمین هێز دەبوون. ئاواتی شێخ جەناب، بەرپرسی ژووری دارایی بزووتنەوەی گۆڕان، بە (باسنیوز)ی ڕاگەیاند: ” ھۆکاری کەمبوونەوەی دەنگەکانی گۆڕان بۆ ساختەکاری دەگەڕێتەوە و یەکێتی ساختەکاری لە دەنگەکانمان کردووە بۆیە دەنگەکانمان کەمی کردووە”. گوتیشی: ” ئەگەر یەکێتی ساختەکاری نەکردایە کورسییەکانی زیادی نەدەکرد و دەنگەکانی پێشووی نەدەھێنایەوە، باڵام ئەو ساختەکارییە بەڕێژەیەکی بەرچاو زیادی کردووە“. ئاماژەی بەوەش دا: “حزبەکان کاتێک دەنگەکانیان زیاد دەکات، ئەگەر لە حکوومەتدا بن و خزمەتی خەڵکی بکەن، بەڵام ئەگەر حزبێک لە حکوومەتدا فاشیل بووبێ و گەندەڵ بووبێت، مووچە نەبێ و ژێرخانی ئابووری وڵاتەکەمان کاول بێت، ئەبێ ئەو حزبە دەنگی کەم…