د .دلاوەر ئاژگەیێ نوێنەری حکومەتی هەرێمی کوردستان سەردانی زانکۆی واگینگ لە هۆڵەندا دەکات
لە چوارچێوەی کاروچالاکیەکان لە یەکێتی ئەوروپا، نوێنەری حکومەتی هەرێمی کوردستان سەردانی زانکۆی واگینگ لە هۆڵەندا دەکات بەمەبەستی دروستکردنی هاوکاری و هەماهەنگی لەگەڵ هەرێم لە چوارچێوەی کاروچالاکیەکان لە یەکێتی ئەوروپا، د. دلاوەر خالید ئاژگەیی، نوێنەری حکومەتی هەرێمی کوردستان سەردانی زانکۆی واگینگن لە هۆڵەندا کرد کە تاکە زانکۆی هۆڵەندییە گرنگیەکی تەواو بە زانستە کشتوکاڵیەکان و خۆراک و ژینگە دەدات وە لەگەڵ خاتوو لویس فریسکۆ، سەرۆکی زانکۆی ناوبراو کۆبۆوە بەمەبەستی دروستکردنی هەماهەنگی و هاوکاریکردن لە پێشخستنی کەرتی کشتوکاڵ بە گشتی لە هەرێمی کوردستان. کارکردن بۆ پێشخستنی کەرتی کشتوکاڵ و بەرزکردنەوەی بەرهەمی ناوخۆیی یەکێکە لە کار و بەرنامەی حکومەتی هەرێمی کوردستان بۆ چوار ساڵی ئاییندە. لە کۆبوونەوەکەدا، د. دلاوەر ئاژگەیی و خاتوو لویس فریسکۆ تاوتوێی هەل و دەرفەتەکان کرد…
کەسێکی نزیکی ئەردۆغان: کوردێک زیانی بە پەیوەندییەکانی ئێمە و ئەمریکا گەیاند
کەسێکی نزیکی سەرۆک کۆماری تورکیا رایدەگەیەنێت، کە کەسایەتییەکی کورد زیانی پەیوەندییەکانی وڵاتەکەی و ئەمریکا گەیاند. فەخرەدین ئاڵتون، سەرۆکی فەرمانگەی پەیوەندیکردن بە سەرۆکایەتیی کۆماری تورکیا لە هەژماری تایبەتیی خۆی لە تۆڕی کۆمەڵایەتیی (تویتەر)، رایگەیاندووە، ئەوانەی مەزڵوم کۆبانی، فەرماندەی گشتیی هێزەکانی سووریای دیموکرات (هەسەدە)یان بانگهێشتی ئەمریکاکرد، ”تاوانیان بەرامبەر یاساکانیان ئەنجام دا“. فەخرەدین ئاڵتون هەروەها رایگەیاندووە، مەزڵوم کۆبانی لەناو لیستی تیرۆری وڵاتەکەی دایە و بە بانگهێشتکردنیشی بۆ ئەمریکا، زیان بە پەیوەندییەکانی نێوان ئەنقەرە و واشنتتن گەیشت. پێشتر بەرپرسانی ئەمریکا مەزڵوم کۆبانییان وەک جەنەڕال ناساندبوو و بە فەرمی بانگهێشتیان کرد بۆ ئەمریکا.
ئەڵمانیا هۆشداریی دەداتە هاووڵاتییە کوردەکانی هەرێم جەعفەر
K24 – هه‌ولێر: گۆڤاری دیر شپیگلی ئەڵمانی بڵاویکردەوە، وەزارەتی دەرەوەی ئەڵمانیا لە راگەیەندراوێکدا داوا لە هاووڵاتییە کوردەکان دەکات، ئەوانەی رەگەزنامەی ئەڵمانیان هەیە، گەشت بۆ تورکیا نەکەن. گۆڤارەکە ئاشکرایکردووە، لە ماوەی مانگێدا، 14 هاووڵاتی کورد کە خاوەن رەگەزنامەی ئەڵمانین لە تورکیا بە تۆمەتی هاوکاریکردنی “تیرۆر” دەستگیر کراون. ئاماژە بەوەشکراوە، تورکیا ناوی ئەو کوردانەی لایە کە لە ئەڵمانیا چالاکوانن و چالاکییەکانیان ئەنجام دەدەن. جیا لە کوردەکان، تورکیا دەیان کەسی دەستگیرکردووە کە لە تۆڕە کۆمەڵایەتییەکان رەخنەیان لە ئۆپەراسیۆنی تورکیا لە رۆژئاوای کوردستان گرتووە.
كاندیدی دیموكراته‌كان بۆ سه‌رۆكایه‌تی ئه‌مه‌ریكا هێرشێكی توند ده‌كاته سه‌ر ئه‌ردۆغان هۆشیار بەنانی
K24– هه‌ولێر: تۆلسی گابارد، كاندیدی پێشبینیكراوی دیموكراته‌كانی ئه‌مه‌ریكا بۆ پۆستی سه‌رۆكایه‌تی ئه‌و وڵاته له هه‌ڵبژاردنه‌كانی داهاتوودا، هێرشێكی توند ده‌كاته سه‌ر ره‌جه‌ب ته‌یب ئه‌ردۆغان، سه‌رۆك كۆماری توركیا و به‌وه تۆمه‌تباری ده‌كات، كه پشتیوانی تیرۆر ده‌كات و هه‌وڵ بۆ رووخاندنی حكوومه‌تی سووریا ده‌دات. گابارد له گوتارێكی تۆماركراودا، كه شه‌وی رابردوو له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر بڵاویكردووه‌ته‌وه، ئاماژه‌ی به‌وه ده‌دات، “ماوه‌ی چه‌ندین ساڵه ئه‌ردۆغان هاوكاری داعش و قاعیده ده‌كات، له‌كاتێكدا هه‌میشه ئه‌مه‌ی ره‌تكردووه‌ته‌وه، به‌ڵام ئێستا به‌كارهێنانی میلیشیا تیرۆریسته‌كانی پێشووی داعش و قاعیده له‌لایه‌ن ئه‌ردۆغانه‌وه رووی راسته‌قینه‌ی ئه‌و نیشانده‌دات، ئه‌و توندڕه‌وێكی ئیسلامییه و تووشی نه‌خۆشی شێتبوون بۆ گه‌وره‌یی ده‌سه‌ڵات بووه، هه‌وڵ ده‌دات خه‌لافه‌ت رابگه‌یه‌نێت، بۆ ئه‌وه‌ی خۆی پۆستی خه‌لیفه بگرێته ده‌ست، واتا سه‌ركرده‌ی باڵا”. Tulsi…