خیانەت……ئەحمەد دەشتی
گەر خــــیانەت و پیسی نەبا خاک فرۆش و خـــائین نەبا ئەمــــرۆ ئەمن سەربەخۆبم خاوەن خاکی نیشتمان بووم وەلی دەستی قرێژ و چەپەل درێژیان کرد بۆمن دەغـەل فرۆشـــتیان کەرکوکی دڵ ناکەســـــان و دوژمنی گول بەرەو دوا گـــــەرامــــــەوە رزگار نەبووم بــوورامەوە ســەربەخۆییان لێ ون کردم نامـــــەرد بەرەودویان بردم بۆ عـــــــڕوبە دژی کوردم فرۆشـــــتیان ماف و هەردم خوایە ئەوەی خــیانەتی کرد کوێر وحیزبی کە ئاوای کرد ١٦.ئۆکتۆبەری ٢ۆ١٨
زەنگى خوێندنى ساڵى ٢٠١٨ ـ ٢٠١٩ لە سەرتاسەرى هەرێمى کوردستان لێ درا
دوێنێ سێ شەممە ڕێکەوتى ٢/١٠/٢٠١٨ى زایینى لە سەرتاسەرى هەرێمى کوردستان، زەنگ دەستپێکى ساڵى نوێى خوێندنى ٢٠١٨ ـ ٢٠١٩ لە هەموو قوتابخانەکان لێ درا. هەرچەندە لە هەرێمى کوردستان و بە پێى ساڵنامەى خوێندنى وەزارەتى پەروەردە، زەنگى دەستپێکى خوێندن ٢٢/٩ى هەموو ساڵێک لێ دەدرێت و خودى وەزارەتى پەروەردەش ئەو ڕێکەوتەى دانا بۆ کرانەوەى قوتابخانەکان، بەڵام لەسەر داواى کۆمسیۆنى باڵاى هەڵبژاردن و ڕاپرسى هەرێمى کوردستان و وەک یارمەتیدان و دابینکردنى قوتابخانەکان وەک بنکەى هەڵبژاردنى پەرلەمانى، وەزارەتى پەروەردە بڕیارى دا کە زەنگى کردنەوەى قوتابخانەکان بکەوێتە ٢/١٠/٢٠١٨ى زایینى. دکتۆر پشتیوان سادق، وەزیرى پەروەردە و هەموو بەڕێوەبەرە گشتییەکانى پارێزگاکان و بەڕێوەبەرى پەروەردەکان لە قوتابخانەیەک و بە جیا لە شار و شارۆچکەکانى کوردستان بەشدارى ئاهەنگى زەنگلێدانەکەیان کرد. وەزیرى پەروەردە کە لە…
پشتیوان سادق: ئێمە و قوتابیان و خوێندکاران قەرزداری مامۆستایانین لە کوردستان زیاتر لە 6 هەزار قوتابخانە و ناوەندی خوێندن هەیە
وەزیری پەروەردەی حکوومەتی هەرێمی کوردستان لە ڕێوڕەسمی خەڵاتی ڕێزلێنان لە قوتابییە سەرکەوتووەکانی ساڵی ڕابردووی خوێندن بە ئامادەبوونی نێچێرڤان بارزانی، سەرۆکوەزیرانی هەرێمی وکردستان جەختی لەسەر بەردەوامی و گرنگیی پرۆسەی پەروەردە کردەوە. د. پشتیوان سادق، وەزیری پەروەردەی حکوومەتی هەرێمی کوردستان، ئەمڕۆ شەممە 2018/9/29 لە شاری هەولێر لە ڕێوڕەسمی ڕێزلێنان لە قوتابییە سەرکەوتووەکانی ساڵی خوێندنی 2017 – 2018 و ڕێوڕەسمی ڕێزلێنان لەو کەسانەی بینای قوتابخانەیان دروست کردووە، لە وتارێکدا گوتی: “سپاسی نێچێرڤان بارزانی سەرۆکی ئەنجومنەی وەزیران دەکەم کە هەردەم پەروەردە لالەیان بایەخێکی زۆر هەبووە و لە چوار ساڵی ڕابردوودا بۆ خزمەتی بواری پەروردە درێغیی نەکردووە”. ئاماژەی بەوەش کرد: “هەموومان دەزانین ئەم چوار ساڵەی کە تێپەڕمان کرد،لەڕووی بوودجە و قەیرانە داراییەکانەوە چەندە ئەستەم و دژوار بوو، بەتایبەت…
چەندین سەرپەرشتیار و مامۆستا لە پەروەردەى دەشتى هەولێر ڕێزیان لێنرا
دووشەممە رێكه‌وتى (٢٤/٩/٢٠١٨)ى زايينى، بە ئامادەبوونى بەرێز (د.پشتیوان سادق) وەزیرى پەروەردەى حکومەتى هەرێمى کوردستان و بەرێوەبەرى پەروەردەى دەشتى هەولێر و قایمقامى دەشتى هەولیر و چەندین بەرپرسى حکومى، مەراسیمێکى تایبەت بۆ ڕێزگرتن لە چەند سەرپەرشتیار و مامۆستایێکى خانەنیشن و چەندین مامۆستاى چالاکى سنوورى بەرێوەبەرایەتى پەروەردەی دەشتى هەولێر ئەنجام درا. وەزیرى پەروەردە وێڕاى سوپاسکردنى ئەو مامۆستایانەى کە چەندین سالە لە بوارى پەروەردە و فیرکردن کار دەکەن و چەندین نەوە لە قوتابی و خویندکارانیان پی گەیاندووە، ڕێزلینانی پی بەخشین و هیواى سەرکەوتنى بۆ خواستن. لەگەڵ ئەوەشدا بەڕێوەبەرى پەروەردە ڕێزلینانى بەخشییە بەشیک لە مامۆستا چالاکەکانى سنوورى پەروەردەکەى و هیواى خواست هەموو مامۆستایان لە بوارى پەروەردە دڵسۆزو چالاک بن.