خسرو گوران سەرەدانا سەماحەتا بابەشێخێ ئێزدیان کرد

بەردەوامیا پیرۆزباهی کرنێ دا ل سەماحەتا بابەشێخێ ئێزدیان شێخ علی شێخ الیاس ئیرۆ رێکەفتی 2020.11.29 ئەندامێ سەرکرداتیا یا پارتی دیموکراتی کوردستان و بەرپرسێ دەزگەهێ هەلبژارتنێن پارتی (خسرو گوران) سەرەدانا سەماحەتا بابەشێخی کرن و پیرۆزباهی لێ کرن ب هەلکەفتا دانانا وی وەک بابەشێخێ ئێزدیان ل کوردستانێ و عیراقێ و جیهانێ.

پارێزگارێ مووسل سەرەدانا سەماحەتا بابەشێخ کر

‌ ئیرۆ رێکەفتی 26.11.2020 شاندەکی ژ حکومەتا خوەجهی یا پارێزگەها مووسلێ کو دپێکهاتی بوون ژ نجم جبوری پارێزگارێ مووسل و دگەلدا رێڤەبەرا ناحیا ئەلقوش لارا یوسف دگەلدا شاندەکی دەم و دەزگەهێن پارێزگەها ناڤبری سەرەدانا مالا سەماحەتا بابەشێخ شێخ علی شێخ الیاس کرن و جهێ وی لێ پیرۆزیکرن پشتی هاتیە دانان وەک بابەشێخێ ئێزدیان ل عیراقێ و کوردستانێ و جیهانێ

وەزیرێ ئەوقاف و کاروبارێن ئاینی ل حکومەتا کودستانێ پیرۆزباهیێ ل بابا شێخ دکەت

پەیامی پیرۆزبایی وەزیری ئەوقاف وکاروبار ئایینی بەبۆنەی دەست نیشان کردنی بابێ شێخێ ئێزیدیان بەبۆنەی ھەڵبژاردنی بەڕێز شێخ عەلی ئیلیاس شێخێ ئێزیدیان، پیرۆزبایی ئاراستەی بەڕێزان میرحازم تحسین بگ، ئەنجومەنی رۆحانی و سەرجەم خوشک وبرایانی ئێزیدی لە کوردستان و جیھان دەکەین، ئومێدەوارین دەست نیشانکردنی بەڕێزیان ببێتە ھۆی زیاتر پەرەپێدانی خۆشەویستی وتەبایی وگیانی پێکەوەیی لە نێوان ھەموو پێکھاتەکانی کوردستان د. پشتیوان سادق وەزیری ئەوقاف وکاروباریوئایینی ١٩⁄١١⁄٢٠٢٠

لقا 20 یا پارتی دیموکراتی کوردستان ل شێخان پیرۆزباهی ل سەماحەتا بابا شێخ کر

‌ ئیرۆ رێکەفتی 22.11.2020 ب مەرەما پیرۆزباهی کرنێ ل ئختیارێ مەرگەهێ باباشێخ شێخ عەلی شێخ الیاس بەرپرسێ لقا 20 یا پارتی دیموکراتی کوردستان ل شێخان محمود ئێزدی دگەل شاندەکی کو دپێکهاتی بوون ژ کارگێر و کادرێن لقا ناڤبری دگەلدا بەرپسێن ناوچەیێن پارتی یێن ب سەر لقا ناڤبری ڤە زێدەبارێ هەژمارەکا زۆر ژ کەسایەتی و ریهسپیێن دەڤەرا شێخان سەرەدانا مالا بابێ شێخ کرن ب مەرەما پیرۆزباهی کرنێ و جهێ وی لێ پیرۆزی کرن پشتی هاتی دەستنیشانکرن وەک باباشێخێ نوێ یێ ئێزدیان ل عیراقێ و جیهانێ.