هزركرنا شاش دبیته‌ سه‌ده‌مێ توندوتیژیا خێزانی دلڤین شه‌مال

خێزان كۆ پێكهاته‌یا سه‌ره‌كیا جڤاكیه‌ ، گه‌له‌ك جاران ژ سه‌ده‌ما تێكنه‌گه‌هشتنێ دناڤبه‌را تاكێن خێزانێ دا توندوتیژیی دروست دبیت كۆ چه‌ندین جۆرێن توندوتیژیێ هه‌نه‌ ئابووری و جڤاكی و جه‌سته‌یی ، بۆ نه‌مان و نه‌هێلانا ڤان توندوتیژیا پێدڤیه‌ خێزان ب گشتی دگه‌ل ئه‌ندامێن خێزانێ پتر هزر ل ئێكگرتنێ بكه‌ن و ئارامیێ به‌ڵاڤبكه‌ن ژبه‌ركۆ ئارامیا جڤاكی ب خێزانێ ڤه‌ گرێدایه‌ ده‌ما خێزان ئاڵوز بیت جڤاك ئاڵوز دبیت ، پتریا ئه‌و توندوتیژیا ناڤبه‌را خێزانا دروست دبیت نه‌بۆنا ماددیه‌ به‌ڵێ ئه‌و ئاریشێن ناڤ جڤاكی دروست دبن په‌یوه‌ندی ب زه‌ڵام سالاریێ ڤه‌ هه‌یه‌ ژبه‌ركۆ هه‌تا نوكه‌ ئه‌ڤ كۆلتۆره‌ ناڤ هنده‌ك ده‌ڤه‌رێن كوردستانێ دا مایه‌ و دووماهیك نه‌هاتیه‌ بۆ نه‌هێلانا توندوتیژیا خێزانێ چه‌وا ئافره‌ت تێدكوشیت بۆ ئاڤاكرنا خێزانێ دوور ل توندوتیژیێ د هه‌مانده‌مدا پێدڤیه‌ زه‌ڵام و ره‌گه‌زێ به‌رامبه‌ر هه‌مان هه‌ست و سوز هه‌بن بۆ ئافره‌تان و ئه‌و توندوتیژیا دژی ئافره‌تان و خێزانێ دهێته‌ كرن ژلایێ زه‌ڵامان ڤه‌ پرانیا جاران نه‌دادی تێدا دهێته‌ كرن ب بهانه‌یێن زۆر ساده‌ توندوتیژیێ دروست دكه‌ن ژ ئه‌نجامێ نه‌ رۆشنبیریا جڤاكی و عه‌شایری ، له‌ورا باشتره‌ مینا ئافره‌تان زه‌ڵام ژی پشكدارێن خولا هوشیاریێ ببن بۆ وێ چه‌ندێ ئارامیا جڤاكی لسه‌ر بنه‌مایێ خێزانێ دروست ببیت.