کاروجالاکی سەنگەر و پێشمەرگە ئەڤێ جاری سەردانا دایکە نەزیرە…تەمەنێکی لە خزمەتی پێشمەرگە دا بەڕێکرد/سمیر نزاری
دایکە نەزیرە…. شێرە ژنێکی پێشمەرگە و
ئافرەتێکی خوێندەوار و ڕۆشنبیر،
دایکە نەزیرە…تەمەنێکی لە خزمەتی پێشمەرگە دا بەڕێکرد
لە شۆڕشی ئەیلولەوە…تا گوڵان، لە ڕاپەرین و تا ئەمڕۆ لە سەنگەری پێگەیاندنی کچ و کۆڕەکانیدا قوتابحانەیەکە..
لە پشت هاوسەری پێشمەرگەی دا وەک چیا و هەرگیز ڕۆژێکیش کۆڵی نەداوە… و هەمیشە بەردووامە،
تەمەنێکی پڕ لە چیرۆکی ئاوارەیی و دەردەسەری و
قوربانی هێناوە تا ئێرە…
هەموویشی لە پێناو ڕێبازی پیرۆزی بارزانی و
خاک و نیشتیمان.. خاوەن سۆز و بەڵێن، بۆ هەتا هەتا…
دەڵێن هەر پیاوێکی قارەمان…
ئافرەتێکی قارەمانی لە پشتە..
دایکە نەزیرا هاوژینی پێشمەرگە و سەرلقی شۆڕشی ئەیلول و گوڵان و ڕاپەرین … مام نەسرەدین هەورامی یە..
مام نەسرەدین بە ئێمەی گوت:
ئەگەر من جارێک پێشمەرگە بم… ئەم خانمەم دوو جار پێشمەرگەیە..
گوتی: من بەقەد ئەو خاتوونە ماندوو نەبووم و قوربانیم نەداوە…
بە ئاخ و حەسرەتەوە پێی گوتین…:
هەرگیز ناتوانم مافی ئەو ژنە بدەمەوە… ئەو بۆمن وەک چیایێک بووە.. ئەو لەمن دڵسۆزتر و قارەمانترە…
ـ نەسرەدین هەورامی کێیە:
ئەو مرۆڤەی هەموو تەمەنی لە خزمەتی شۆرش و ڕێبازی بارزانی دا بەڕێکرد..
مام نەسرەدین هەورامی لە کۆتایەکانی ساڵی 1961 بەشداری شۆرشی ئەیلولی کردوە و لە هەورامان تا زاخۆ و لە کەرکوک تا بارزان شوێن پەنجەی لە هەموو شوێنێکی نیشتیمان داناوە و بەشداری چەندین داستانی پڕ سەروەری کردوە..
مام نەسرەدین هەورامی چوار جار بە سەختی بریندار دەبێت، دوو جار لە شۆرشی ئەیلول و جارێکیش لە گوڵان و جارێکیش لە دوای ڕاپەرین…
نەسرەدین هەورامی لەگەڵ خوالێخۆشبوو نادر هەورامی پێشمەرگەیەکی ئازا و جاونەترس دەبێت و دەورێکی باڵا دەگێڕێت لە شۆرشی گوڵان دا و دەبێتە جێگای متمانەی جەنابی نەمر ئیدریس بارزانی و جەنابی سەرۆک مەسعوود بارزانی…
لە ڕاپەرینی بهاری 1991 نەسرەدین هەورامی لەدەڤەری سلێمانی دەورێکی باڵا دەگێڕێت و قارەمانانە بەشداری لە ئازادکرنی کوردستان دەکات…
نەسرەدین هەورامی هەڵگری خەڵاتی میدالیای بارزانی یە، تا ئەمڕۆش جێکای ڕێز و متمانە و ڕێزی جەنابی سەرۆک بارزانی و تەواوی سەرکردایەتیە…
نەسرەدین هەورامی هەموو تەمەنی بە دڵسۆزی بۆ ڕێبازی بارزانی و لە پێشمەرگایەتی و خەبات و قوربانیدان و ئاوارەیی بەڕێکرد… ئەمڕۆش بە هەمان ڕۆح بۆ خەبات و قوربانیدان ئامادەیە…
نەسرەین هەورامی هەموو منداڵەکانی بە کچ و کوڕەوە لەسەر ڕێبازی بارزانی و کوردایەتی پەروەردە کردووە، بە ڕۆحی پێشمەرگە خێزان و منداڵەکانی پێگەیاندووە…
نەسرەدین هەورامی بۆ سەنگەر و پێشمەرگە گوتی:
من بەو هێزەی کە تیاما ماوە و دەستی چەپیشم تەواو کاردەکات…ئەگەر چەکێکی دۆشکە م بدەنێ دەتوانم سەنگەر بەرامبەر هەر دوژمنێک دابنێم… بەهەمان هێزی جارانم بەرگری لە خاک و ڕێبازم دەکەم.
سمیر نزاری
Leave A Comment