سەرکردایەتیی پارتی سەردانی سەرۆکی هەرێمی کوردستان دەکات بڕیار كۆیی
ماڵپەری سەرۆکی هەرێمی کوردستان بڵاویکردەوە کە ئەمڕۆ ئەندامی سەرکردایەتی پارتی دیموکراتی کوردستان سەردانی نێچیرڤان بارزانی سەرۆکی هەرێمی کوردستانیان کردووە بەمەبەستی پیرۆزباییکردن لێی.
بەپێی ماڵپەڕەکە له دیدارێكی نێچیرڤان بارزانی سه‌رۆكی هه‌رێمی كوردستاندا له‌گه‌ڵ ئه‌ندامانی سه‌ركردایه‌تیی پارتی دیموكراتی كوردستان كه به‌مه‌به‌ستی پیرۆزباییكردن سه‌ردانیان كردبوو، شاندی ميوان وێڕای پیرۆزباییکردن و دووپاتکرده‌وه‌ی پاڵپشتیی خۆیان بۆیان، ڕۆڵی سه‌رۆكی هه‌رێمی كوردستانیان له قۆناغه جیاوازه‌كانی ڕابردوودا له تێپه‌ڕاندنی قه‌یرانانه‌كان و چاره‌سه‌ركردنی كێشه‌كان، به‌رز نرخاند.
ئاماژە بە ئەوەش دراوە کە هه‌ر له دیداره‌كه‌دا كه ئه‌مڕۆ دووشه‌ممه 22/7/2019 له هه‌ولێر به‌ڕ ێوه چوو، سه‌رۆكی هه‌رێمی كوردستان سوپاسی پاڵپشتی و هاوكاریی پارتی دیموكراتی كوردستانی كرد له ڕووبه‌ڕووبوونه‌وه‌ی ته‌حه‌ددی و تێپه‌ڕاندنی قه‌یرانه‌كان، هه‌روه‌ها جه‌ختی له‌وه كرده‌وه كه یه‌كڕیزیی لایه‌نه سیاسییه‌كانی كوردستان و هاوكارییان له‌سه‌ر ئاستی هه‌رێمی كوردستان و عێراق، ڕۆڵ و پێگه‌ی هه‌رێمی كوردستان به‌هێزتر ده‌كات و له‌مباره‌یه‌وه پێداگری له‌سه‌ر ڕۆڵی پارتی دیموكراتی كوردستان كرد.
